实习日记,繁体中文
时间:2006年9月23日话咁快实习就已经第三个星期啦… 今个星期几惨啊…不过唔係因为实习嘅原因… 而係劳动法居然56分!!!个老师唔知係咪真係有心咖!!! 摆明玩嘢啦!!!唉…不过又唔怪得人咖!!!鬼叫自己无努力咩!!! 仲有就係学校追我交学费…话乜嘢唔交就勒令退学!!! 想凶我!!!无咁易…不过最后都係去交咗… 费事烦啦…横掂家下自己可以够用计翻条数出嚟!!! 都ok咖…家下嘅目标就係CET4 达到500分啦只要够分我就有希望毕业 学士学位啦!!! 真係要俾心机俾心机啊!!!唔可以衰咖啦!!! 咪先真係辜负咗好多人咖!!!到时真係唔知可以点算啦!!!
讲翻今个星期嘅实习生活!!! 之前休假嘅书记员都翻咗嚟…一个係吖平…一个係达琳…其实仲有吖丹同吖茂咖 不过因为之前都见过佢地…so都唔算新了 吖平就好丑样好丑样!!!仲要成日係度发姣喔…最憎果样嘢就係佢俾咗D嘢你做自己就去咗倾电或者揾人倾计…边有D咁嘅人啊!!!听闻话佢考咗4次司法考试…有次争1分有次争2分!!!抵佢死啦…做人做得佢咁抵死啦!!!应有此报啦!!! 吖丹份人就太过严格啦…难听D讲句就係死板!!!下下都力求完美!!!边可以咖…见佢复习司考果种状态就知佢唔掂啦…一味係度紧张…根本就唔识选择性吸收!!!睇佢个样都唔过咖啦!!! 下星期吖容就翻嚟啦…吖容係俾我感觉最好咖书记员嚟咖啦 佢会教你做嘢…有要求但係唔离谱…教果阵又够nice… 吖贤都好好人…不过下星期就见唔到佢啦…因为轮到佢去北戴河玩啦 吖贤同吖容都好好人…唔怪得之佢地可以过司考啦…呵呵…好似有D唔关事下个星期部车仲要年审…烦啊…
时间:2006年10月2日
9月30日晚被骗了…可能係自己扮好人呱 但係点解我扮好人就要俾人呃啊!!!唔知…钱银虽然唔多…但係俾人呃走咗咖信任係唔会翻嚟咖…做人係咪应该诚信翻少少好D呢!!! 实习已经4个星期啦…经历咗好多好多 家下大家都开始惊啦…係嘅..读咗3年书啦 到第4年先话可能要读够4年半先有毕业证喔…讲真…大家都好难接受 你间学校D咩考试啫…咁大水份…得罪你个烂鬼老师啫 使唔使唔俾及格啊!!!家下即係算点先…上课唔好已经无话你咖啦 家下你仲要唔俾及格咁衰…即係摆明想玩嘢啦 唔好以为自己係老师就大晒至得咖…山水有相逢咖啫 第日你有乜衰係我手上咖话…我一定报仇咖
听日恩强结婚…讲真就对佢家人都无乜几多好感咖啦 不过都係一场亲戚…帮下忙都应该咖 嘉荣就可能真係好憎佢地家人嘅…鬼咩… 细个俾人刻薄…憎都应该咖…不过今次阿三叔派佢做代表…唔去饮都唔得啦
家下放假都好似唔係好想翻屋企咁… 究竟点解呢???pEt太身体好似有D问题..但係佢又唔去睇医生…究竟发生咗咩树啊??? 莫非…我…er…唔敢谂落去啦…希望係呢个时候唔好再要烦其他嘢啦!!!
9月30日…阿婕妈咪出粮俾我…借咗钱俾人…
跟住俾D无聊人搞到好夜先可以翻宿舍!!!
激si…
10月1日…同pEt太一齐…开始觉得俾人呃咗啦
嬲啊…难得我做下好人!!!居然咁都呃!!!
无人性!!!以后都唔借钱俾陌生人了
10月2日 好艰辛先摞翻D钱…当中咖过程真係唔想再讲
总之以后就唔会借钱俾呢一种人…
跟住搭车去广州…去恩强度…
点知去到无饭吃不单旨仲要做嘢…
早知唔去住…逛下街算了
夜D见到恩健个老公同佢个仔…个样就一般般啦
10月3日 今日恩强大喜之日哦
前一晚好夜训咖了…跟住仲要俾恩强D鼻鼾嘈醒咗
朝早8点钟浑浑噩噩咁起身…
美宝姨同姑妈好早就过嚟搞呢样搞果样…
第一次见到美宝姨…呵呵…典型咖香港女性啦
跟住等齐兄弟就去接新娘…清一式绅宝…D车坐落去就真係舒服
不过最平都40几W静车价…汗啊!!!
D姐妹搞咗好耐先肯开门同俾新娘鞋…跟住敬茶又搞咗好耐
后尾花车游行唔够时间啦…bang bang声咁飞车翻去
涡轮增压真係爽啊!!!
翻到去..爸爸地已经去咗恩强间新屋度啦…跟住佢同介绍咗我香港咖嫲嫲同姑妈…
呵呵…真係多亲戚啦我…都几亲咖(写到呢度有D挂住嫲嫲先…如果佢唔係咁早去咗…可能我家下嘅生活都唔係咁呱…)
跟住搞完一大轮嘢…下午4点几嘉荣都嚟埋啦
D头发好长哦…两兄弟都係好少嘢讲…唔知佢谂乜咖
跟住去咗陶苑准备迎宾…又见到好多N耐未见过咖亲戚(N係指5年以上)
呵呵…原来我都係人地咖表舅嚟咖…有两个好得意咖表侄女啊…呵呵
食完饭搞完晒D嘢就做司机啦..其实我手车唔错咖…不过唔识路又黑有少少紧张啫
跟住去啊唱K…同D兄弟啊姐妹…玩咗一阵就唔想玩了
10月4日 今日本身想早走…点知话叫我拜埋嫲嫲先走喔
点知佢两公婆挂住训觉…=到5点几就决定闪啦
翻到去宿舍7点差唔多…夜D同pEt太去啊食嘢…呵呵
10月5日 係宿舍训觉多…到夜晚出去同pEt太去啊东方广场玩车车啊
我好劲咖!!!让你先输咋!!!
10月6日 今日中秋哦…下午去啊大沥大麻将…赢咗小小啦…不过得自己一个食饭
夜晚发生D乜就唔讲啦
10月7日 今日开始好似发病了…仲有就係居然有人留低我一个人等咗几个钟!!!
页:
[1]
